قصص سمير الليل حياتي ضاعت حيت تسببت فقتل أمي الحبيبة
السلام عليكم انا امينة من الحسيمة عمري 17 سنة قصتي منعرف كيفاش نعاودها ونوصل ليكم احاسيسي ولاكن غدي نحاول لاني بائسة وحزينة ما شفت نهار جميل واحد في حياتي انا تسببت فحادتة لامي ملي كان عمري سنتين انا ماعقلت على داكشي الي نرا كنت صغيرة غير عاودو لي او بالاصح تيدكروني بيه دائما على ما قالو كان عيد الكبير والعائلة تجمعات في السطح تيدبحوا ويشوي الريوس ويطيبو في بولفاف وكانو عمامي وزوجاتهم وولاد عمامي كولشي مجموع عند جدي فدار الكبيرة وكولشي تيضحك وناشط قالو لي بالي هزيت واحد المسمار ديال القطبان في ادي دارت جدتي اديها تحيدو لي وانا غوت وضربت بالقطيب اللور وماما كانت جالسةة مورايا تتكلم مع مرات عمي ملي ضربت بالقطيب باجهد جاء فعين ماما السرية الضربة مدار فيها الله باس سالت عنيها بالدم قالو لي بالي ضربت بواحد القوة بحال الى كان عندي جهد ديال جوج الرجال وتحول داك العبد الكابوس الي بقيت عيشاه لحد الان حيت ماما مشات ليها عنيها ولات مشوهة بسبابي ماما كانت غزالة زوينة بزاف وانا خسرت ليها وجها والعائلة فيما تجمعات افكروني بهاد الحادتة وانا فيما شفت في وجه ماما تنحزن ونحس بالدنب وفيما غلط او درت شئ حاجة ماما تتفكرني تتقول اس بغيتي تقتليني مكفاك حيتي لي عيني وخوتي وقتما دابزو معايا يفولو لي اهاد المنحوسة الممسوخة كرهت راسي وحياتي مع العائلة كاين غير بابا هو الوحيد الي عمري مسمعت كنه شئ ملاحظة وليت تنتجنب التجمعات العائلية والجلوس بجنب ماما او نشوف فوجها والعائلة تنسمعها تتقول ماما مكانتش كما هي الان كانت ديما ضاحكة فرحانة وجميلة تتهتم بزاف باللبس والمكياج والجمال ديالها والكل في العائلة كان تيضرب بها المتل لاكن بعد الحادتة تغيرات المهم خوتي انا تنحس بالي منحوسة خرلت حياة ماما باليل وبالنهار تندعي الله يرزقني شئ راجل في شئ بلاد غير المغرب باش نتبعد على كل الناس الي تنعرف وعلى ماما وخوتي مباقي نسمع والو انا وليت كارها راسي تنتمنا نلقى عندكوم شئ نصيحة او مساعدة تخفف علية شوية سمحو لي الى طولت عليكم وشكرا
*******************************************************