قصص سمير الليل قصة المحافظة التي أثرت في جميع الزوار
*******************************************************
انا بنت عندي 23 سنة عازبة متدينة او بالمصطلح العامي ملتزمة تقريبا هادا شهر تقدم لي واحد الاخ بنية الزواج هاد الاخ سبق له تزوج و طلق وعندو جوج وليدات وموراها عاود تزوج و حاليا فالذمة ديالو جوج عيالات و عندو 4 اطفال وحتى هو ملتزم وقاري و واعي.
ومنفتح زوجاته متفهمين قضية الزواج وحتى وحدة ماكاتعارض بما انه شرع الله و مرحبين بالقرار ديالو انا رغم اني ملتزمة الا اني كنت ارفض التعدد بصفة نهائية بل حتى التفكير فيه ولكن اتضح لي بعد البحث في الامر انه عدم قبول شرع الله يعتبر كفر فاستسلمت لأمر الله وسنة نبينا ومابقاش عندي مشكل ف الامر خصوصا.
ملي تلاقيت الزوجة ديالو وتعرفت على الاسرة ديالو مع العلم ان الزوجات كل وحدة بدارها يعني ماساكنينش مع بعض و حتى الحالة المادية ديالو ميسورة وباستطاعتو ينفق حتى على 10 د العائلات يعني من هاد الناحية ماكاينش مشكل انما المشكل ان عائلتي و واليديا رفضو هاد الزواج تماما.
ورفضو التعدد ورفضو حتى يزيدو يتعرفو عليه وهو مازال مصر وكل نهار كايدير محاولات معاهم ويقنعهم ولكن بدون جدوى الاخوان و الاخوات محتاجة آرائكم وتدخلاتكم بطريقة راقية اما بالنسبة للناس لي ماعندهمش دراية كافية فالموضوع كانتمنى غير يستافدو بلاما يهضرو من فراغ