قصص بالدارجة : قصة شيفورك أحليمة داولو لكريمة الفصل الأول
"الفصل الأول بقلم " بلقيس ابن رضى
فواحد الفيلاج .. جا ما بين . كازة و برشيد .. سميتو النواصر .. و بضبط فين جا المطار ..
واحد الليلة .. فدار الحاج بوشعيب ...مول طاكسي .. ..
.
الحاج :؛ هنيااااا .. وا هنيااااا اهاد المراا .. فينك .. وااا هنيااا
لا لا هادي بغاتني نطلقهااا و ا هنياا .
تمشى الحاج . جيهت الباب يشوفها فيناهيا .. تا كيبان ليه . السنيال ديال الطاكسي ديالو .. شاعل ..
لاح الحاج العكاز من ايدو .. بلا عقل و مشا يجري لعند طاكسي .
مع بدا كيقرب و هو يبان ليه ولدو حمد ..
الهبيل ديال الدوار .
الحاج :" اويييليييي . على بل جيفا لاخر نزل .. نزل يبل المنونخ نزل ..
خبط الباب بغا يحلوو و هو يلقاه سادو من الذاخل .. . و تااا نزل . دابة دير ليا شي موصييبة .
حمد :" مناازلش .. غبيت نعوود بحالك شيفور ... يله .. و نمشي لديك البلاصة فين كيحطو طياراات . و نطير هههئ هئ ..
الحاج :" ليييييلة . نطير لمك جلدة على العضم و نعطيها لكلاب .. ياكلوها . .. نزل
حمد .. ": مسكين غير سمع الكلاب و لا يقفقف .. حيث كيموووت من الكلاب .
و تهديد ديال باه خلعوو حيث ديما مسكين .. كيضربو و يربطو حداهم .. عند بالو كيربيه وهو را غير مكيزيد عليه ..
بلا عقل حمد ديمارا طاكسي .. و كسيرااا بالخوف .. وهو يدخل فالحاج . تا تلاااح
دودة وراه .. خلاه مليوح مجيب خبار ..
و هرب بطاكسي . .. فطريق المطار . .. هو حمد واخة مسطي شوية و لكن عندو دكاء .. مسكين مقاري موالو و لكن لي شافها كيعقل عليها و من صغرو لاسق فباه باغي يتعلم يسوق . و بقا هكاك تا حفظ كيفاش يسووق الطاكسي ..
حمد :" ناااري قتلت بااا . نااري غيعلقني . مع الكلاب هاااااه ..
هيهيهيئ . و المهم سقت طاكسي ووليت شيفور ... و غنمشي عند طيارات . . يحليلي ..
و مشاا حمد فتجاه طريق المطار لي قرييبة من دارهم مبعيداش بزاف ..
فالجهة الأخرى نزلاات .. حليييمة .. من طيارة لابسة شورط دجين .. و تيشرت و عينها الزرقين عامرين دمووع .. ووجها شاحب
خرجات بلا باليزة بلا جوج من غير بانان فعنقها فيه فلوس و لي كارك بنكير و تليفون
لا غير .. و من شوفة فيها تعرفها بنت القاع و الباع ..
خرجات حليمة من بعد إجراءات المطار و الروينة . كتقلب على طاكسي .. طلع بحالها لكازة .. معندها كانة . .. حيث معلمات لا مها لا خوتها باش يتلقاو ليها .
هبطات حلييمة .. فين كيكونو طاكسيات .. مبان ليها حد دنياا خاااوية . و غير ضلام .
تا كيبانو ليها واحد زوج دراري .. لبسين الكحل واقفين فالقنت . كيكميو و باين عليهم من طيارة أنهم قطاطعية ..
نزلات حليمة راسها و رجعات لور بزوج خطوات ملي شافتهم جايين جيهتهااا ...
البنات بغيييت تفاعلكم و أرائكم .. را القصة نار 😅😅 و حمد صفاها لحاج معرت فين ايخرجنا هاد الشي