قصة بعنوان دار البايرات التي شوقت الزوار (الجزء الأول)
قصة دار البايرات بقلم أميمة شكري
كان صداع والغوات فسوق العيد الكبير ماابقا ليه واالو بقات ليه شي زوج سيمانات وشي ايام خرجو العيالات يتقداو كل وحدة وعلى حساب جيبها وجهدها،كانت واقفة مرا كبيرة لابسة جلابة فزرق وزيف فلبيض غليضة وجهها بيض فيه زبيبة فوق فمها وقفات قدام واحد لولد كيبيع شوايات هزات شواية وبدات كتقلب فيها بعناية كتشوف كاليطي ديالها ههه وفخاطرها كتكول واش هاد شواية تضرب لي زعما من هنا العام جاي، هاد لمرا سميتها الخياطية...
الخياطية:وااالاواه لاوااه تقااسم معانا صبر او شواية دايرة ستميادريال غير ربعمية
ولله الحاجة ماعندي فيها ربح...
الخياطية:(حلات بزطامها) احياااني عليكم نتوماا لبيااعة وشراية كضربو يديكم وتقولو ماكاين ربح هاكا ها خمسمية هاااه وواياك تزيد كلمة
اش هنقووليك الحاجة اري لهنااا...
خادت شوية خشاتها فلكفة وتمات شادة طريق راجعة لدارها وهي تلاقى مع واحد جارتها تسالمو وتماو غادين فطريق كيدويو
الجارة:البنات كيفداايرين لباس علييهم
لخياطية:لبااس الحمد لله
الجارة:امدرا تزوجوو ولا بااقي
لخياطية:(تنهدات) بااقي لله ماجاب شاي فزواج
الجارة:واااسمحيلي اجارتي على هاد الهضرة لهنقوليك ولكن قاصح حسن من كداب، ناس راه بدات كتدوي وملي يبداو لهضرة عليك ماكاين غير دار لبايرات هز دار لبايرات
لخياطية:(الصمت)
الجارة:لبنت لجاات من وراهم تزوج وهوما باقي وكون غير كانو خايبات ولا مافيهم مايتشاف وهوما كيف لبلارات العجب حد ماشافيهم
لخياطية:هدااكشي مكااتيب
الجارة:اييه مكاتيب ،شوفي انا بقيتي في وبقاو في بناتك خاصة سعدية 36 عام وباقا بلا زواج هادشي علااش كااين شيخي راجل عما ومشا ليه نظر شحال هادي كاين فلعروبية ولادو كيقلبو ليه على مرا تهزو وتكون بيه فآخير يامو وانا فكرت فبنتك سعدية قلت لاهوما فيها ولا تبقى بلاش
لخياطية:وهو من ناحية فكرتي راك فكرتي فبنتي هااقولي لي ماحشمتيش على عرضك هاا بنتي سعدية بحداكتها وبزينها وبحرفتها خياطة وتجي نتي تقولي لي نلوحها لشيخك عما ايوا لله يمسخك
الجارة:(هزات حاجبها)ياااك اختي بغينا نديرو فيك الخير نتي وبنتك صدقنا فالله يمسخني اييه عطيني اوجهي...
لخياطية:الخير ديريه فراسك عاد شوفي كيفاش ديريه فبناتي داابا هااقولي لي نتي لمزوجة طفرتيه هاا شوفي هاجلابتك كيفدايرة كاع مبرقعة بجافيل اما بناتي الى مالبسو جلابة ساوية ربعطاااش الف مايحطوهاش فوق كتافهم (زادت وخلاتها)
الجارة:لااهوما جلابتي مبرقعة جافيل ولا بايرة لمهم فكتافي راجل واقف معايا ماشي كنتلاوح من القنت لقنت فحال جرو اليتيم
الخياطية:(دارت تلفتات عندها) وياااكيتك يا خلااك ݣالت ليك فكتافي راجل اييه شفناه شحال مرجل نهار كولو وهو كيتلاوط فزنقة الميكة مكاتحيدش من يديه انا بعدا الى كانو بناتي هيتزوجو براجل فحال راجلك ندبحهم ونشرب من دمهم ومرة اخرى تجي تدوي معايا هنسيفط ليك فليفلة توريك وجهك فالمرايا ورااك عارفة فليفلة نتي اش كتسوا (زادت وخلاتها)