قصة بعنوان ولقد حار قلبي معك بقلم نوال الصاحبي (الجزء الثاني)
قصة بعنوان ولقد حار قلبي معك بقلم نوال الصاحبي (الجزء الثاني)
جود حتى هو بدورو جرها من خصرها عندو كيشوف فشفايفها : امم زعما
قرب الله بغا يبوسها حطات صبعها على فمو حبساتو : نوو ماشي هنا غيشوفنا شي واحد حشومة
جود : افف انوال مالك دييما محرمها علية يشوف لي بغا يشوف مالي انا خليني نبوسك غير وحدا بزربة ونبعد
نوال شافت يمين وشمال عاد حيدات صبعها من على فمو : امم غير وحدا وبزربة صافي
جود كيحط ايدو على عنقها كيضحك : وي
قرب حط شفايفو على شفايفها وفهاد الاثناء نازلة واحد لبنت من على دروج كتجري لابسة تيشورت بيض مع شورط تجينز فوق ركبة ضارت بزربة حشمانة عاضة على قنوفتها لتحتانية : ماما وقيلة عيطي لية كيبان لية داب دورينجيتكم نمشي حتى تكملو ونرجع.
نوال دفعات جود بزربة حشمانة كتمسح ففمها بايدها قادات كسوتها بطريقة انيقة عاد ضارت عند بنتها : احم اه بنتي شمس بصح عيط ليك بغيتك غير تنزلي تفطري حيت من بعد شوية غيجيو هادو مرتلين الحفلات او مصممين الحفلات غيقادو ويرتبو ديكور لقصر .. حيت خوك ليوم من بعد غياب طويل لي بعدو علينا فهولاندا اخيرا غيجي وراني قلتها ليك لبارح زعما
شمس : هه اه اه فراسي مانسيتش اماما
نوال : يالله نجلسو نفطرو
جلسات وجلس حتى جود حداها وحلسات حتى شمس كل واحد بدا كيحط لماكلة فطبسيلو بداو فلماكلة حتى كتنطق نوال : ااه خاصني بعدا نخبر ريحانة وروعة بلي ولدي قيصر اخيرا غيجي
شمس : اه اماما كون قلتيها ليهم لبارح باش يحيو لبنات هنا لقصر نوجدو راسنا مجموعين ياك
نوال : والله ابنتي حتى نسيت لبارح ماشي مشكيل غنتاصل بيهم حتى داب
شمس بحماس : اه اه اماما داب وديري مكبر صوت
نوال هزات تليفونها كتشوف فجود لي غير كياكل ويشوف فيهم مبتاسم ..
دوزات الابيل وحطاتو على ودنها مبتاسمة شافت فبنتها : كيصوني
دارت مكبر صوت وحطاتو فوق طبلة. .
يتبببببع واتفاعلو البنات الله يرضي عليكم