قصص بالدارجة : قصة عينيك بريق شاسع يخترق قلبي وشفتيك هم نبيذ مخمر بختصار (حبيبي القاسي)
قصة بعنوان ولقد حار قلبي معك بقلم نوال الصاحبي
لقد مرت سنوات على ابطالنا لي كبرو وترعرعو مع بعضهم منهم اوس لي عاش مع قيصر والياس لي كانو معتابرينو او لازالو معتابرينو بحال الاخ ديالهم او كثر وحتى هو لي بدورو كيعتابرهم خوتو ويفذيهم بروحو واخ غير ولد روعة ولويس ...
وريهانة لي حتى هي عاشت مع شمس ونازلي لي معتابراهم بحال خوتاتها وحتى هما بضورهم معتابرينها ختهم روح بروح. .
نبداو من نازلي لي عاشت مع ولاد خالها قيصر وشمس من صغر كيلعبو ويضحكو ومني كبرو طورات علاقتهم كثر من إخوة وإنما صارو أكثر وحدين كيموتو على بعضهم غير بسر وهاد لحب لي كانو عارفينو غير شمس وريهانة لي كانت كتعاود ليهم نازلي كلشي ..
لكن تفرقو من بعد هداك الماضي لي ظاز عليهم بحال شي شؤم غنكتاشفوه من بعد .....!
اما شمس لي بغات اوس من صغر ماعتابراتوش غير كأخ او مجرد صديق ليها وانما شخص ولات مهووسة بيه كل لهوس هو لي كذكرو فاحلامها وخيالها لواسع وعلامها الانفراذي بوحدها ...!
اما ريهانة لي بغات الياس اكثر من حياتها هادو بذات لي خرجو لعائلتهم من جنب حبهم كيطور نهار على نهار واخ بعد الياس عليها باقين كيتواصلو وحبهم واخ سري باقي مطور وعاد ماكيتزاد نهار على نهار حبهم لي غيخلدو تاريخ
جالسة فوق كرسي في طبلة المائدة ديال لفطور كتسناهم ينزلو لابسة كسوة كحلة محتارمة عمرها لي ولا داب 40 سنة جات معاها واصلة حد ركبة مع مايكاب خفيف ومشيطة بسيطة غير جامعة بيها شعرها واخ بدات كتكبر فلعمر عاد ماكتزيان : شمس حبيبتي فنك نزلي تفطري خوك ليوم غيجي خاصنا نوجدو لحفل ..
حتى كتحس بشي واحد حاوطها من لور خاشي راسو فعنقها ميستنشق عطرها لأنثوي لي باق عليه نفسو واخ من بعد كااع هاد سنين : الله على ريحة باق زوينة فيك ونفسها واخ من بعد كااع هاد سنين لي دازو
حطات إيدها على وجهو مبتاسمة : جود حياتي واش ماغتشبعش مني
جود كيحرك راسو بحال شي ولد صغير فوسط عنقها : اهن عمرني ماغنشبع منك احياتي
نوال ضارت عندو كاملة كتشوف فيه كضحك : هه نتا عمرك غتقادا من هاد شي زعما را ولدك من بعد غياب طويل غيجي وحنا خاصنا نوجدو الحفل وبزااف ماباقي غيدار
جود لي غادي كيزيان نهار على نهار واخ كبر فلعمر او غادي ويكبر فلعمر ومع ذلك الله كيبرزو حروفو الحرشين لي كيبهرو كل بنت شافتو أما واحد العضلات ياسلام غادين وكيتزادو واخ شرف مهلي فراسو وباقي كيتبع لحمية لغذائية ديالو وكيمشي لاصال يوميا باش يخلي عضلاتو مطراسين ومنحوتين ..
شاف دار ايديه فجيابو ونطق عاقد حواجبو : الى كان ولدك جاي حنا تحرميها علينا هي مليتي مني وصافي راني نيت بدست كنشرف ياك
نوال وقفات كضحك على هبالو حطات إيدها على وجهو : نوو مستحيل نمل منك راك نتا حياتي وكلشي واخ تشرف ويولي ضهرك مقوس فأكيد انا عمرني ماغنتخلا عليك ونبقا نبغيك كيف مانتا ..